नेपाल–श्रीलंका क्वार्टरफाइनल : वर्षाले फेरि रोक्यो खेल

दाङ,२०८३ असोज १३ गते

बिहान ८:५० बजे: दुःखद खबर पुष्टि भएको छ। एक बल पनि नफ्याँकी नेपाल–श्रीलंकाबीचको क्वार्टरफाइनल खेल वर्षाका कारण रद्द भएको छ। उच्च वरीयताका आधारमा श्रीलंका सेमिफाइनलमा पुगेको छ, जहाँ उसले भारतसँग प्रतिस्पर्धा गर्नेछ।

नेपालका लागि यो खेल ऐतिहासिक अवसर थियो। नेपालले समूह चरणमा अफगानिस्तानलाई ५ विकेटले हराउँदै महत्वपूर्ण जित हात पारेको थियो। तर लगातार वर्षाका कारण क्वार्टरफाइनलमा मैदानमा उत्रने अवसर नै पाएन।

बिहान ८:२५ बजे: जापानको निसिनमा निर्धारित खेलका लागि सबैको ध्यान मौसमतर्फ थियो। अघिल्लो दिनका खेल पनि एक बल नफ्याँकी रद्द भएका थिए। नेपाल पहिलोपटक श्रीलंकासँग खेल्ने तयारीमा थियो, तर वर्षाका कारण नेपालको ऐतिहासिक अवसर रोकिएको छ।

अन्तिम अपडेट: खेल रद्द भएपछि श्रीलंका सेमिफाइनलमा प्रवेश गरेको छ भने नेपाल एसियाली खेलकुदको क्रिकेटबाट बाहिरिएको छ।